pexels/julian dahl: a meaningful life.

Niċċelebraw l-Evanġelju tal-ewwel Ħadd tal-Avvent

Fl-Isem tal-Missier u tal-Iben u tal-Ispirtu s-Santu

Immorru ferħana f’dar il-Mulej!

1. Niftħu qalbna għall-Kelma t’Alla

F’dak iż-żmien, Ġesù qal lid-dixxipli tiegħu: “Bħal fi żmien Noè, hekk tkun il-miġja ta’ Bin il-bniedem. Għax kif fiż-żmien ta’ qabel id-dilluvju kienu jieklu u jixorbu, jiżżewġu u jżewġu sa dakinhar li Noè daħal fl-arka, u b’xejn ma ntebħu sa ma wasal id-dilluvju u ġarr lil kulħadd, hekk tkun il-miġja ta’ Bin il-bniedem. Imbagħad tnejn ikunu fl-għalqa: wieħed jittieħed u l-ieħor jitħalla; żewġ nisa jkunu jitħnu flimkien: waħda tittieħed u l-oħra titħalla.

Ishru, mela, għax ma tafuhx il-jum li fih jiġi Sidkom. Kunu afu dan, li kieku sid id-dar kellu jkun jaf f’liema sahra tal-lejl se jiġi l-ħalliel, kien jishar u ma jħallix min jinfidlu l-ħitan ta’ daru. Mela kunu lesti intom ukoll, għax qatt ma tistgħu tobsru s-siegħa li fiha jiġi Bin il-bniedem”. Mt 24:37-44.

pexels/pixabay: looking ahead.

i. Ġesù qal lid-dixxipli tiegħu: “Bħal fi żmien Noè, hekk tkun il-miġja ta’ Bin il-bniedem. Għax kif fiż-żmien ta’ qabel id-dilluvju kienu jieklu u jixorbu, jiżżewġu u jżewġu sa dakinhar li Noè daħal fl-arka, u b’xejn ma ntebħu …

Irrid nixtri l-laħam,
l-karozza nagħtiha l-petrol,
inwieġeb dawk l-emails,
immur niġbor it-tifla min-nursery,
inċempel il-bajjad,

nagħmel l-appuntament għal xahri

… imma propjament,
għalfejn qed nagħmel dan kollu?
Għalfejn qed ngħix?

Irrifletti:
Fejn qed tinqabad tiġri minn ħaġa għal oħra?

pexels/ketut subiyanto: attentiveness.

ii. Ishru, mela, għax ma tafuhx il-jum li fih jiġi Sidkom.

“Ishru mela!”

Titteħidx iżżejjed mix-xewqat tal-mument –
ikel, xorb, aptiti,

Bħal Noè:
investa fil-futur li ħadd ma kien qed jarah
kien lest li joħlom … ma’ Alla
bena arka li ssalpa lil hinn mill-pjaċir tal-mument.

Il-ħajja għandha direzzjoni
parti minn storja akbar li qed tinkiteb;
kun attent għar-realtà
u tibżax tagħmel l-għażliet li hemm bżonn,
inkella “tittieħed” mill-kurrent..

Irrifletti:
Kif mistieden tara l-preżent bħala parti minn storja akbar?

pexels/tim douglas: encounter.

iii. Kunu afu dan, li kieku sid id-dar kellu jkun jaf f’liema sahra tal-lejl se jiġi l-ħalliel, kien jishar u ma jħallix min jinfidlu l-ħitan ta’ daru. Mela kunu lesti intom ukoll, għax qatt ma tistgħu tobsru s-siegħa li fiha jiġi Bin il-bniedem.

Il-ħajja mhix lista ta’ possibilitajiet bla limitu
xewqat infiniti u fantasiji;
jiġi d-dilluvju
u jġorr!

Imma lanqas mexjin lejn il-qerda:
pjuttost lejn laqgħa
ma’ Dak li jiġi biex isalva.

Kun attent mela
għal dik il-laqgħa.
Hemm jintiseġ is-sens sħiħ
tal-ħajja waħda li għandek.

Irrifletti:
Xi tfisser tkun attent għal-laqgħa ma’ Alla?

3. Missierna